سيروم الذهب من فرسالي

                               




                                                    السلام عليكم

لي اكثر من شهر ابي اكتب تدوينه ومالقيت وقت كافي اكتبها ان شاءالله اليوم اقدر اخلصها وانزلها

الفتره الاخيره اشتهر هالسيروم عند البلوقر الاجانب وطبعا وصلتنا الهبه الجديده ههههه كثير بنات محتارات اذا بالفعل هالمنتج روعه وينفع حق كل شي في المكياج وهل يناسب الدهنيه وغيره من الاساله كان واجب على البي نداء واجرب المنتج عشان اساعدكم في اختيار المنتج او لا

اولا راح اتكلم عن تركيبت المنتج  

سيروم الذهب من فرسالي
مرطب فعال للوجه من فوائده مكافحه الشيخوخه
ويمد البشره بالترطيب والنضاره
يحتوي على 24 قيراط من الذهب
وغني بزيت الروز هيب ويحتوي على 77%من الاحماض وفيتامين A وE طبيعي ويناسب جميع انواع البشره 

عباره عن زيت لونه اصفر فيه قطع صغيره لونها ذهبي 

ثانيا استخدامات المنتج  

اللي تعارف عليه واشتهر فيه انه يستخدم قبل الاساس او يستخدم مع دمه اي شي كريمي ثقيل مثل الكنتور والهايلايت 

هل طريقه اللي تعارف عليها صحيحه ؟

نعم صحيح وبالفعل ممتاز ولكن حق المبتدئات راح اشرح لكم طريقه استخدامه بشكل اوضح 

*ينفع يستخدم كاكريم وبرايمر بنفس الوقت للبشره الجافه ترطيبه بطل وتحطي الاساس فوقه 

*البشره المختلطه اذا راح تستخدمي اساس قوامه سائل ديوي ماانصحك تستخدمه قبل الاساس لان راح يصيرصعب تحكم ب توزيع مره دهني ولمعه لكن اذا حابه تستخدمي اساس مطفي فل كفر مره حلو انك تستخدميه قبل الاساس راح يرطب البشره ويخلي من السهل توزيع الاساس ويعطي لوك لمعه 

*عزيزتي صاحبه البشره الدهنيه اظن بكل الاحوال ماينفع استخدامك له قبل الاساس 

طريقه الثانيه من استخدام سيروم الذهب فرسالي  

انك تحطي منه قطرات على بيوتي بلندر مبلوله وتوزعي فيه الكنتور والهايلايت الكريمي الثقيل وهالخطوه تناسب جميع البشرات 

الطريقه الثالثه من استخدام السيروم  

انك تحطي منه شوي على شفايف وتوزعيه بعدها تستخدمي المحدد او اي روج هالخطوه اكثر من رائعه لسببين السبب الاول تعطي امتلا لشفايف وثاني اي محدد يرسم معاه بكل سهوله 

الطريقه رابع من ا ستخدام السيروم

والاخيره كاعلاج للبشره يستخدم على بشره نظيفه قبل النوم للامانه انا ماجربت هالطريقه خفت استخدمه كااستخدام يومي ف اللي استخدمته كا علاج ياليت تكتب تجربتها 

بشكل عام في منه نوعين الابيض والاسود انا استخدمت الابيض اما الاسود لا يميزه عن الابيض انه علاجي اكثر 

الحين راح اجي حق اهم نقطه في الموضوع  

السيروم فيه تركيبه او ريحه مثل البرتقال او الورد مااعرف احددها لكن احسها قويه على البشره الحساسه يمكن يكون حار على بشرتها 

غير كذا اعطي المنتج تقيم ممتاز يخلي لوك فيه لمعه ونضاره كانه طبقه وحده 

اتمنى قدرت افيدكم لو بشي بسيط 




تسعدني متابعتكم لي على سناب تشات 

https://www.snapchat.com/add/stylelie